Liverpool ka konfirmuar largimin e kapitenit skocez Andy Robertson në fund të sezonit 2025-2026, me skadimin e kontratës së tij në verë. Robertson, i cili iu bashkua klubit në vitin 2017 nga Hull City, ka pasur një karrierë të jashtëzakonshme me “të kuqtë”, duke fituar dy tituj të Premier League, Ligën e Kampionëve dhe disa trofe të tjerë të rëndësishëm. Në një video njoftimi, ai shprehu mirënjohjen dhe kujtimet pozitive për nëntë vitet e kaluara te Liverpooli, duke theksuar se është koha për të vazhduar tutje. Largimi i tij vjen në një periudhë sfidash për klubin, i cili aktualisht renditet i pesti në Premier League dhe sapo pësoi humbje 2-0 nga PSG-ja në çerekfinalen e Ligës së Kampionëve, ndërsa edhe sulmuesi Mohamed Salah është lajmëruar se do të largohet në fund të sezonit.