Kombëtarja e Anglisë po konsideron organizimin e një ndeshjeje miqësore shtesë gjatë Kupës së Botës 2026, një praktikë që nuk është parë më parë në historinë e këtij turneu. Trajneri Thomas Tuchel po shqyrton seriozisht këtë mundësi për të mbajtur në formë lojtarët që nuk do të aktivizohen shumë në ndeshjet zyrtare, duke u mundësuar atyre të ruajnë ritmin e garës. Ndeshja e propozuar do të zhvillohet me skuadrën amerikane Sporting Kansas City, mes sfidave kundër Kroacisë dhe Ganës, edhe pse ende nuk ka një marrëveshje përfundimtare. Ky plan u shty edhe nga dëmtimi i mbrojtësit Tino Livramento, i cili u zëvendësua nga Trevoh Chalobah, duke i dhënë stafit teknik më shumë alternativa në repartin defensiv.