Anis Mehmeti, futbollisti i Kombëtares shqiptare, pritet të largohet nga Ipswich Town pasi nuk është pjesë e planeve të trajnerit Gary O’Neil. Klubi i Premier Ligës ka vendosur një çmim prej rreth 10-10.5 milionë euro për kartonin e tij, duke e nxjerrë në shitje pas vetëm pak muajsh që nga transferimi i bujshëm nga Bristol City. Disa skuadra nga Championshipi anglez, përfshirë Birmingham, Derby, Wrexham dhe Millwall, kanë shfaqur interes për shërbimet e 25-vjeçarit, i cili kërkon të gjejë një skuadër ku të luajë rregullisht dhe të mos qëndrojë në stol. Për Mehmetin, kjo lëvizje është e domosdoshme për të vazhduar karrierën dhe për të mos humbur ritmin në futbollin elitar anglez.