Ansu Fati ka dhënë pëlqimin për të vazhduar karrierën te Monaco, ku klubi francez po përgatit një kontratë afatgjatë deri në vitin 2030. Monaco do të aktivizojë opsionin e blerjes për rreth 11 milionë euro, ndërsa Barcelona do të ruajë një përqindje nga një shitje e ardhshme e lojtarit. Pas një periudhe të vështirë me dëmtime dhe mungesë vazhdimësie te Barcelona, 23-vjeçari ka rigjetur formën dhe besimin në skuadrën franceze, ku pati një rol të rëndësishëm gjatë sezonit të fundit. Largimi i Fatit përbën një lehtësim financiar për Barcelonën, e cila synon të ulë faturën e pagave dhe të krijojë hapësirë për afrime të reja në verë.