Antonio Conte po konsiderohet kandidati kryesor për të marrë drejtimin e kombëtares italiane të futbollit, duke zëvendësuar Gennaro Gattuso. Napoli nuk do ta pengonte largimin e tij gjatë verës, ndërsa presidenti i klubit, Aurelio De Laurentiis, është i gatshëm t’i japë “dritën jeshile” këtij rikthimi, sidomos nëse Giovanni Malagò zgjidhet president i ri i Federatës Italiane të Futbollit (FIGC). Conte ka drejtuar Italinë më parë nga 2014 deri në 2016, duke arritur deri në çerekfinalet e Kampionatit Evropian, dhe ka marrëdhënie të mira me federatën. Një trajner i përkohshëm pritet të emërohet për miqësoret e qershorit, ndërsa vendimi për trajnerin e ri do të merret pas zgjedhjes së presidentit të ri të FIGC në fund të qershorit ose fillim të korrikut.