Mbrëmja e El Clasico në “Camp Nou” ishte një moment i vështirë për trajnerin e Real Madridit, Alvaro Arbeloa, pasi skuadra e tij u mund 2-0 nga Barcelona, duke i dhënë praktikisht titullin katalanasve dhe rritur tensionin në fundin e sezonit. Arbeloa u shpreh i zhgënjyer dhe i zemëruar, duke theksuar se edhe ai dhe ekipi ndjejnë të njëjtin zemërim si tifozët, ndërsa kërkoi që skuadra të reflektojë mbi gabimet e bëra dhe të mos dorëzohet në këtë moment kritik. Një nga momentet më të diskutuara ishte kontakti me Jude Bellinghamin, për të cilin Arbeloa tha se ishte një goditje e qartë që VAR-i nuk e ndërhyri, duke shtuar edhe mungesën e Kylian Mbappes për shkak të problemeve fizike. Ai gjithashtu sqaroi vendimin për të lënë jashtë Huijsenin, i cili ishte i dobësuar nga gripi, duke preferuar energjinë e Raulit në fushë.