Arbër Hoxha, sulmuesi i Kombëtares shqiptare, pritet të largohet nga Dinamo Zagreb gjatë këtij afati kalimtar, pasi konkurrenca e madhe në pozicionin e krahut dhe prurjet e reja në skuadër e kanë bërë të vështirë sigurimin e minutave në fushë. Klubi kroat ka aktualisht 27 lojtarë në dispozicion dhe synon të arkëtojë miliona euro nga shitja e kartonit të Hoxhës, i cili ka kontratë deri në vitin 2029. Një pengesë në transferimin e tij mbetet mungesa e shtetësisë së Bashkimit Europian, që kufizon numrin e klubeve potenciale blerëse. Afatet e transferimeve janë ende të hapura në disa liga si Zvicra dhe Turqia, ku mund të realizohet largimi i tij.