Arbër Hoxha, sulmuesi i Kombëtares së Shqipërisë, ndodhet pranë një largimi të mundshëm nga Dinamo Zagreb, pavarësisht kontratës së tij që zgjat deri në vitin 2029. Klubi kroat ka vendosur ta nxjerrë në shitje lojtarin për shkak të mbipopullimit në repartin ofensiv, duke e bërë kështu një vendim të papritur dhe jo të dëshiruar nga vetë futbollisti. Afati kalimtar në Kroaci mbyllet më 7 shtator, dhe kjo javë pritet të jetë vendimtare për të ardhmen e Hoxhës, i cili deri tani ka shënuar dy gola në sezonin aktual. Nëse nuk do të ketë largim, ai do të vazhdojë të luftojë për një vend titullari në skuadër.