Pas tetë viteve të mbushura me suksese të shumta, Arbër Potoku ka dhënë fund rrugëtimit të tij legjendar te FC Ballkani. Gjatë kësaj periudhe, ai kontribuoi në fitimin e tre titujve kampionë të Kosovës, një Kupa dhe dy Superkupa, duke u bërë një nga figurat kyçe të klubit suharekas. Me 263 paraqitje, 7 gola dhe 13 asistime, Potoku ishte pjesë e gjeneratës që shkroi historinë evropiane të Ballkanit, duke arritur kualifikimin në fazën e grupeve të UEFA Conference League për dy sezone radhazi. Klubi e falënderoi për besnikërinë dhe përkushtimin e tij, duke i uruar suksese në sfidat e ardhshme dhe duke e konsideruar gjithmonë pjesë të rëndësishme të historisë së Ballkanit.