Futbollisti kosovar Arbër Zeneli është shumë pranë një transferimi në Superligën e Kosovës, me skuadrat e mëdha si Prishtina dhe Ballkani që kanë shfaqur interes të madh për të. Sipas raporteve, Prishtina është më afër arritjes së marrëveshjes dhe synon ta finalizojë transferimin brenda 48 orëve të ardhshme. Nëse realizohet, ky do të jetë një nga transferimet më të mëdha dhe më të bujshme në historinë e futbollit kosovar, me Zenelin që do të bëhet një nga futbollistët më të paguar në ligë. Ai aktualisht ka kontratë me IF Elfsborg në Suedi deri në vitin 2027 dhe kërkohet një shifër prej rreth 2 milionë eurosh për transferimin e tij.