UEFA ka caktuar arbitrat për ndeshjet e turit të dytë eliminator në Champions League dhe Conference League ku marrin pjesë Egnatia dhe Dinamo City. Egnatia do të luajë në Rrogozhinë ndaj Celje-së, me kryesor Atilla Karaoğlan nga Turqia, i cili do të asistohen nga bashkëkombësit e tij, ndërsa në rolin e VAR-it do të jetë italiani Michael Fabbri. Nga ana tjetër, Dinamo City do të përballet me Aluminij në Maribor, ku drejtësinë do ta vendosë një ekip arbitrash islandezë, me kryesor Ívar Orri Kristjánsson dhe asistentët Birkir Sigurdarson, Gylfi Mar Sigurdsson dhe arbitrin e katërt Thordur Thorsteinsson Thordarson. Këto ndeshje janë të planifikuara për datën 23 korrik dhe përfaqësojnë një sfidë të rëndësishme për të dy skuadrat në garat evropiane.