Arbitri shqiptar Florian Lata është caktuar të drejtojë finalen e Kampionatit Europian U-17 “Estoni 2026”, një nga ndeshjet më të rëndësishme të futbollit të moshave në Europë. Finalja mes Belgjikës dhe Italisë do të zhvillohet më 7 qershor në stadiumin “Lilleküla staadion” në Talin, ku Lata do të jetë arbitri kryesor, ndërsa asistenti shqiptar Mario Shazivari do të jetë pjesë e ekipit të arbitrimit. Ky emërim vjen pas paraqitjeve të shkëlqyera të Latës gjatë turneut, duke përfshirë ndeshjet hapëse dhe takimin Francë – Mali i Zi. Federata e Futbollit përgëzon dy arbitrat shqiptarë për këtë arritje të rëndësishme, duke theksuar rritjen e nivelit të arbitrimit shqiptar në arenën ndërkombëtare.