Sint-Truiden (STVV) ka arritur një marrëveshje me klubin turk Samsunspor për transferimin përfundimtar të futbollistit kosovar Arbnor Muja. Muja, i cili sezonin e kaluar luajti në huazim te STVV, pritet të rikthehet në Belgjikë për të veshur përfundimisht fanellën e skuadrës. Samsunspori është i gatshëm ta lërë të lirë lojtarin për shkak të numrit të madh të futbollistëve të huaj në ekip dhe dëshirës për të krijuar hapësirë. Aktualisht, Muja dhe drejtuesit e Sint-Truiden po negociojnë kushtet personale të kontratës, ndërsa 27-vjeçari ka regjistruar 26 ndeshje me STVV-në, duke shënuar 6 gola dhe dhuruar 2 asiste sezonin e kaluar.