Basketbollistja e njohur Arbnore Përquku ka vendosur të pensionohet nga Kombëtarja e Kosovës, duke mbyllur një kapitull të rëndësishëm në historinë e basketbollit femëror kosovar. Federata e Basketbollit ka falënderuar Përqukun për kontributin e saj të jashtëzakonshëm, duke e vlerësuar si një lidere të vërtetë dhe simbol të një gjenerate që ndihmoi në ndërtimin e identitetit të basketbollit kosovar në arenën ndërkombëtare. Me karakterin luftarak dhe dashurinë e pakushtëzuar për fanellën dardane, ajo ka qenë frymëzim për bashkëlojtaret dhe shembull për gjeneratat e reja. Emri i Arbnore Përqukut do të mbetet përgjithmonë pjesë e historisë së sportit kosovar, ndërsa Federata i shpreh mirënjohje për çdo ndeshje, pikë dhe emocion që ajo ka dhuruar për Kosovën.