Boksieri shqiptar Ardian Krasniqi po përgatitet për një tjetër sfidë të rëndësishme, duke synuar titullin e kampionit të Europës. Shefi i “Primetime”, Klaus Muller, ka njoftuar një organizim të madh boksit me 10 deri në 12 ndeshje ndërkombëtare të nivelit të lartë, ku Krasniqi do të jetë në qendër të vëmendjes. Ai do të luftojë më 27 qershor në “MHP Arena” në Ludwigsburg, ndërsa kundërshtari ende nuk është përcaktuar, por bisedimet po ecin mirë. Krasniqi, nipi i legjendës së boksit Luan Krasniqi, ka zhvilluar 12 ndeshje në karrierë dhe i ka fituar të gjitha me nokaut, duke treguar formë të shkëlqyer dhe ambicie të madhe për tituj të rinj.