Ardian Krasniqi ka arritur një fitore të madhe duke mbrojtur titullin WBO Intercontinental dhe duke u shpallur kampion evropian pas një ndeshjeje të fortë me kroatin Vinko Zadro. Me këtë sukses, Krasniqi mbetet i pamposhtur në karrierën e tij profesionale me 13 fitore në po aq meçe. Pas ndeshjes, boksieri i njohu publikisht mbështetjen e tifozëve, familjes dhe veçanërisht babait dhe xhaxhait të tij, të cilët kanë luajtur një rol kyç në rrugëtimin e tij. Ai e përshkroi këtë moment si një natë magjike dhe një arritje që i dedikohet të gjithë shqiptarëve që e kanë mbështetur gjatë gjithë kohës.