Mesfushori i Milanit, Ardon Jashari, nuk e ka përjashtuar mundësinë e rikthimit te Club Brugge në të ardhmen, klub ku u bë i njohur dhe fitoi Kupën e Belgjikës. Ai u transferua te Milani verën e kaluar për 36 milionë euro dhe ka kontratë deri në vitin 2030, por në një intervistë ka lënë të hapur mundësinë që pas disa vitesh të përfundojë karrierën te skuadra belge. Jashari është shpallur lojtari më i mirë i kampionatit belg në sezonin e tij të parë me Bruggen dhe këtë edicion ka zhvilluar 16 ndeshje me Milanin, duke regjistruar një asistim. Së fundi, ai u ftua nga selektori i Zvicrës, Murat Yakin, për Kupën e Botës që do të mbahet në SHBA, Meksikë dhe Kanada.