Ardon Jashari, mesfushori zviceran që u shpall lojtari më i mirë i kampionatit belg sezonin e kaluar, po përballet me një situatë të vështirë te Milani. Pavarësisht investimit prej rreth 40 milionë eurosh për kartonin e tij, Jashari renditet si opsioni i tretë në mesfushë, pas Luka Modriqit dhe Samuele Riccit, dhe ka pasur vetëm 14 paraqitje në të gjitha garat këtë sezon. Klubi kuqezi po konsideron ta shesë 23-vjeçarin, i cili ka kontratë deri në vitin 2030, dhe do të pranonte ofertë deri në 30 milionë euro. Ndërkohë, Juventusi po monitoron situatën e Jasharit dhe mund të synojë transferimin e tij gjatë merkatos së verës.