Ardon Jashari ishte titullar në ndeshjen e fundit të Milanit ndaj Genoas, ku skuadra fitoi 2:1 në transfertë. Mesfushori 23-vjeçar u aktivizua deri në minutën e 85-të dhe shfaqi një paraqitje të mirë, duke regjistruar kështu paraqitjen e tij të 13-të në Serie A këtë sezon. Ai premtoi paraqitje edhe më të mira në të ardhmen, duke theksuar se ende nuk është shfaqur në nivelin e tij të plotë për shkak të mungesës së minutave dhe ritmit. Jashari iu bashkua Milanit verën e kaluar nga Brugge për rreth 40 milionë euro dhe ka kontratë deri në vitin 2030, ndërsa këtë sezon ka arritur 16 paraqitje dhe një asistim në të gjitha garat.