Arijon Ibrahimovic, talenti 20-vjeçar me rrënjë nga Kosova, është rikthyer te Bayern Munich për sezonin e ri, duke u bashkuar me ekipin e parë nën drejtimin e trajnerit Vincent Kompany. Pas një sezoni të huazuar te Heidenheim, ku luajti 34 ndeshje, shënoi dy gola dhe dha pesë asistime, Ibrahimovic është gati të luftojë për një vend titullari në kampionatin gjerman. Futbollisti ka qenë pjesë e Bayernit që nga viti 2018 dhe ka nënshkruar kontratë deri në vitin 2028, ndërsa do të mbajë fanellën me numrin 22. Drejtori sportiv i klubit, Christoph Freund, theksoi se përvoja e fituar gjatë huazimeve e ka përgatitur mirë për sfidat te Bayern, ku pritet të lërë shenjë në sezonet e ardhshme.