Juventusi ka publikuar listën e lojtarëve që do të marrin pjesë në fazën përgatitore në Hong Kong, ku trajneri Luciano Spalletti ka ftuar të gjithë ekipin e parë. Mes emrave të njohur, vëmendjen e ka marrë sulmuesi shqiptar Arman Durmishi, i cili fillimisht ishte thjesht një mbushës numri në skuadër. Pas paraqitjeve të shkëlqyera në stërvitje, Spalletti ka vendosur ta përfshijë më shumë në planet e tij, duke e promovuar edhe në ekipin U23. Kjo është një arritje e rëndësishme për Durmishin, i cili po shkëlqen edhe me përfaqësuesen U19 të Shqipërisë dhe pritet të ketë një të ardhme premtuese në skuadrën e madhe.