Armando Broja, sulmuesi i Kombëtares shqiptare, pritet të vazhdojë karrierën e tij në Itali pas dështimit të fundit me Burnley në Angli. Klube të ndryshme italiane, përfshirë Parmën, kanë shfaqur interes për shërbimet e tij, por Broja ka dhënë dritën e gjelbër për një transferim te Kaljari, skuadra që ishte e para që u interesua konkretisht për të. Megjithatë, marrëveshja nuk pritet të jetë e lehtë, pasi Burnley kërkon të përfitojë maksimalisht nga shitja e sulmuesit, të cilin e bleu nga Chelsea për rreth 20 milionë euro vetëm një vit më parë. Palët janë të interesuara për të finalizuar transferimin dhe mbetet të shihet se me çfarë formule do të arrihet marrëveshja për të ardhmen e Brojës.