Armando Broja pritet të rikthehet në fushë javën e ardhshme në ndeshjen Burnley – Fulham, pas më shumë se një muaji mungesë për shkak të problemeve fizike. Kjo ndeshje i përket xhiros së 31-të në Premier League dhe rikthimi i tij vjen në kohën e duhur për përfaqësuesen shqiptare. Nëse Broja luan ndaj Fulhamit, ai do të jetë i gatshëm edhe për ndeshjen e rëndësishme kundër Polonisë më 26 mars në Varshavë, në kuadër të play-offit për kualifikimin në Botërorin 2026. Sulmuesi 24-vjeçar ka zhvilluar 21 ndeshje këtë sezon për Burnley, ku ka shënuar një gol dhe ka dhënë një asistim në kampionat.