Sulmuesi i Kombëtares shqiptare, Armando Broja, pritet të mungojë në ndeshjen e rëndësishme kundër Polonisë më 26 mars për “play-off”-in e Botërorit. Ai ka pësuar një dëmtim gjatë ndeshjeve me klubin e tij, Burnley, dhe rikuperimi i tij po ecën ngadalë, duke e bërë të pamundur grumbullimin me skuadrën kuqezi. Mungesa e Brojës do të jetë një humbje e madhe për trajnerin Sylvinho, i cili do të ketë një “armë” më pak në sulm në këtë përballje kyçe. Në rast fitoreje ndaj Polonisë, Shqipëria do të përballet me fituesin e ndeshjes Ukrainë – Suedi në raundin tjetër të “play-off”-it.