Arne Slot ka konfirmuar se nuk do të marrë drejtimin e Kombëtares së Holandës, duke preferuar të vazhdojë karrierën në futbollin e klubeve. Ai mohoi spekulimet se ishte tërhequr nga negociatat për shkak të pagës apo kohëzgjatjes së kontratës, duke theksuar se bisedimet nuk arritën kurrë në fazën përfundimtare. Slot shpjegoi se dëshiron të jetë i pranishëm çdo ditë në stërvitje me lojtarët, një gjë që nuk është e mundur në të njëjtën mënyrë me një kombëtare. Megjithatë, ai shprehu respekt të madh për Federatën Holandeze dhe nuk përjashtoi mundësinë që një ditë të drejtojë Kombëtaren, por tani preferon të presë ofertën e duhur në futbollin e klubeve në Evropë.