Sonte, më 11 mars 2026, Bayer Leverkusen dhe Arsenal do të luajnë ndeshjen e parë të 1/8-ës së finales në Ligën e Kampionëve në stadiumin Bay Arena, me fillim në orën 18:45. Arsenal vjen në këtë përballje me një formë të shkëlqyer, pasi ka fituar të gjitha ndeshjet në fazën e grupeve dhe është skuadra me më shumë gola të shënuar dhe më pak të pësuar këtë sezon në kompeticion. Nga ana tjetër, Bayer Leverkusen ka arritur në këtë fazë përmes play-off-it dhe do të kërkojë të përfitojë nga avantazhi i fushës për të qenë konkurrues ndaj një kundërshtari të fortë. Pak orë para ndeshjes, skuadra gjermane publikoi një foto me shaka për të ndaluar goditjet nga këndi, duke iu referuar kritikeve që Arsenali ka marrë për golat e shumtë të shënuar nga goditjet standarde këtë sezon.