Arsenal po përshpejton përpjekjet për të transferuar sulmuesin nigerian Victor Osimhen, i cili është prioritet kryesor i trajnerit Mikel Arteta për përforcimin e repartit ofensiv. Klubi londinez ka nisur bisedimet zyrtare me Galatasarayn, që zotëron kartonin e 27-vjeçarit, ndërsa negociatat po avancojnë edhe pse ende nuk ka ofertë përfundimtare. Galatasaray kërkon të rikuperojë shumën prej rreth 75 milionë eurosh, që pagoi për Osimhenin në vitin 2025, duke e bërë atë transferimin më të shtrenjtë në historinë e futbollit turk. Në këto bisedime mund të përfshihen edhe lojtarë të Arsenalit si Gabriel Martinelli dhe Ethan Nwaneri, pasi klubi turk ka shfaqur interes për ta, ndërsa Arsenali shpreson të mbyllë marrëveshjen para përfundimit të afatit kalimtar.