Arsenali po përgatit një ofertë historike prej 90 milionë eurosh për të siguruar shërbimet e mesfushorit sulmues turk Arda Guler, i cili aktualisht luan për Real Madridin. Klubi londinez synon të përfitojë nga pasiguria që po krijon ristrukturimi i mundshëm i skuadrës spanjolle nën drejtimin e Jose Mourinhos, duke i ofruar lojtarit një rol kryesor në Ligën Premier. Mikel Arteta e sheh Guler si një element kyç për të përforcuar sulmin e Arsenalit, duke e vendosur atë në qendër të projektit të skuadrës për sezonin e ardhshëm. Pavarësisht kontratës së lojtarit me Realin deri në vitin 2029, oferta e madhe dhe perspektiva për kohë të garantuar lojë mund ta bëjnë transferimin një nga më të mëdhenjtë e verës.