Arsenali po përgatit një ofertë prej 100 milionë eurosh për talentin turk të Juventusit, Kenan Yildiz, në përpjekje për të forcuar sulmin para sezonit të ri. Trajneri Mikel Arteta e sheh 20-vjeçarin si një element kyç për krahun e majtë dhe një investim për të ardhmen e klubit londinez. Megjithatë, Juventusi nuk dëshiron të heqë dorë nga një prej lojtarëve më të rëndësishëm të skuadrës dhe e konsideron Yildizin pjesë të projektit afatgjatë, duke e bërë transferimin shumë të vështirë. Oferta e madhe dhe paraqitjet e mundshme të Yildizit në Kupën e Botës mund të ndikojnë në vendimin përfundimtar, ndërsa Arsenali është i gatshëm të presë dhe të vazhdojë negociatat për të siguruar një nga talentet më premtues të futbollit evropian.