Arsenali ka fituar me shumë vështirësi në transfertë ndaj West Ham United me rezultatin 1-0, duke rikthyer avantazhin prej pesë pikësh në krye të Premier League. Golin e vetëm të ndeshjes e shënoi Leandro Trossard në minutën e 83-të, pas asistit të kapitenit Martin Odegaard, në një ndeshje të luftuar dhe me raste të shumta për të dyja skuadrat. West Ham u afrua në fund të takimit me një gol të Callum Wilson në minutën e 95-të, por ky gol u anulua pas rishikimit të VAR-it për një faull ndaj portierit të Arsenalit, David Raya, i cili gjithashtu bëri pritje vendimtare gjatë ndeshjes. Me këtë fitore, Arsenali mban pozitën e parë në tabelë me 79 pikë, pesë më shumë se Manchester City që ka një ndeshje më pak, duke e afruar skuadrën drejt titullit kampion pas 22 vitesh pritje.