Arsenali synon të jetë skuadra e vetme nga Premier League në gjysmëfinalet e Ligës së Kampionëve këtë sezon, duke u përballur me Sportingun e Lisbonës në ndeshjen e kthimit të çerekfinales. Ndeshja zhvillohet në stadiumin “Emirates” dhe londinezët kanë avantazh pas fitores 1-0 në Lisbonë. Megjithatë, trajneri Mikel Arteta do të ketë mungesa të rëndësishme, përfshirë Martin Odegaard, Jurrien Timber, Mikel Merino dhe Riccardo Calafiori, ndërsa në dyshim janë edhe Declan Rice dhe Bukayo Saka, çka e vështirëson kualifikimin. Sportingu kërkon përmbysjen, duke shfrytëzuar momentin e vështirë të Arsenalit pas humbjes në kampionat dhe presionin e derbit të ardhshëm kundër Manchester Cityt.