Arsenali ka surprizuar me interesin e tij për kapitenin e Tottenham Hotspur, Cristian Romero, i cili pritet të largohet nga klubi gjatë kësaj vere. Ndërsa Atletico Madridi konsiderohet favorit për transferimin e mbrojtësit argjentinas, klubi spanjoll ende nuk ka arritur të plotësojë kërkesën prej 40 milionë euro të Tottenhamit. Në këtë garë është përfshirë edhe Arsenali, megjithëse një kalim i drejtpërdrejtë nga Tottenhami te Arsenali shihet si shumë i vështirë për shkak të rivalitetit të fortë mes dy klubeve të Londrës Veriore. Mikel Arteta kërkon një qendërmbrojtës të ri dhe ndër objektivat kryesorë është edhe Ezri Konsa, por edhe ai pritet të kushtojë më shumë se Romero.