Arsenali ka shfaqur ambicien e tij për të transferuar Vinicius Juniorin nga Real Madridi, me trajnerin Mikel Arteta që dëshiron ta ndërtojë skuadrën rreth sulmuesit brazilian. Interesimi është konkret, megjithatë deri tani nuk është bërë ndonjë ofertë zyrtare, pasi Viniciusi ende nuk ka rinovuar kontratën me klubin madrilen. Arteta e sheh Viniciusin si elementin kyç për të përmirësuar repartin ofensiv të Arsenalit, duke theksuar shpejtësinë dhe driblimet e tij si avantazhe të mëdha. Megjithatë, transferimi mbetet i vështirë pasi Viniciusi preferon të qëndrojë në Real Madrid, ku drejtuesit po përpiqen të arrijnë një marrëveshje për rinovimin e kontratës; Arsenal është i gatshëm të ndërhyjë vetëm në rast dështimi të bisedimeve dhe mund t’i ofrojë brazilianit kontratën më të lartë në historinë e klubit.