Pas triumfit historik në Premier League, trajneri i Arsenalit, Mikel Arteta, po udhëheq personalisht përpjekjet për transferimin e talentit të Aston Villas, Morgan Rogers. Mesfushori ofensiv anglez ka shkëlqyer këtë sezon dhe është konsideruar si përforcimi ideal për repartin ofensiv të “Topçinjve”, duke rritur konkurrencën me Chelsea dhe Manchester United për firmën e tij. Aston Villa kërkon një shumë prej rreth 80 milionë eurosh për kartonin e lojtarit, ndërsa negociatat pritet të intensifikohen në javët në vijim. Ky transferim mund të ndikojë drejtpërdrejt në të ardhmen e Gabriel Martinellit, i cili ka humbur vendin e titullarit dhe është i lidhur me një largim të mundshëm nga Arsenali gjatë kësaj vere.