Pas fitores së Arsenalit në Ligën Premier, Mikel Arteta ka zhvendosur menjëherë fokusin te mbrojtja e trofeut në sezonin e ardhshëm. Trajneri spanjoll po kërkon të forcojë mesfushën me një mesfushor defansiv të lëvizshëm dhe ka identifikuar Sandro Tonalin si përforcimin ideal përkrah Declan Rice. Tonali, aktualisht në Newcastle, është i pakënaqur dhe dëshiron të rikthehet te një skuadër që luan në Ligën e Kampionëve, ndërsa klubi anglez mund të jetë i detyruar ta shesë për shkak të mungesës së kualifikimit në garat evropiane. Arsenali është në krye të garës për shërbimet e tij, ndërsa Arteta vlerëson intensitetin dhe lidershipin e mesfushorit italian si elementë kyç për suksesin e skuadrës.