Sulmuesi kosovar Fisnik Asllani ka vazhduar formën e shkëlqyer në Bundesligë me Hoffenheimin, duke asistuar në golin e dytë të ekipit në ndeshjen kundër Augsburgut. Hoffenheimi arriti të barazojë 2-2 në udhëtim, duke u rikthyer nga disavantazhi 0-2, ndërsa Asllani dha asistin për golin e barazimit në minutën e 42-të. Në këtë ndeshje të xhiros së 29-të, në fushë ishin edhe dy reprezentues të tjerë të Kosovës, Albian Hajdari dhe Leon Avdullahu, ndërsa Elvis Rexhbeçaj ishte në stol te Augsburgu. Asllani ka arritur në këtë sezon të shënojë nëntë gola dhe të japë gjashtë asistime, duke treguar një formë shumë të mirë në Bundesligë.