Kristjan Asllani mund të largohet nga Interi gjatë afatit kalimtar veror, pasi nuk është pjesë e planeve të trajnerit të ri Cristian Chivu për sezonin e ardhshëm. Klubi i Serie A, Sassuolo, ka nisur kontaktet me Interin për të marrë informacion mbi një transferim të mundshëm të mesfushorit shqiptar, edhe pse ende nuk ka ofertë zyrtare. Përveç Sassuolos, interesim për Asllanin kanë shfaqur edhe Cagliari dhe Besiktas, ndërsa Interi do të shqyrtojë çdo ofertë që përmbush kërkesat financiare. Një kalim te Sassuolo do t’i jepte Asllanit mundësinë për të pasur një rol më të rëndësishëm në Serie A dhe për të luajtur bashkë me portierin kosovar Arijanet Muric.