Aston Villa dhe Freiburg janë dy finalistët e edicionit 2025/26 të UEFA Europa League, pas fitoreve të thella në ndeshjet e kthimit të gjysmëfinaleve. Aston Villa përmbysi humbjen 1-0 në ndeshjen e parë duke mposhtur Nottingham Forest me rezultatin 4-0 në “Villa Park”, me gola nga Watkins, Buendia dhe dy nga McGinn, duke shënuar një triumf të madh në një atmosferë elektrizuese në Birmingham. Në anën tjetër, Freiburg arriti gjithashtu përmbysjen ndaj Bragas, duke fituar 3-1 në shtëpi dhe kaluar me rezultat të përgjithshëm 4-3, falë edhe përjashtimit të hershëm me karton të kuq të Dorgeles nga Braga. Finalja e madhe do të zhvillohet më 20 maj në Stamboll, ku Aston Villa do të përballet me Freiburgun, me të dyja skuadrat që synojnë të sigurojnë një vend në Ligën e Kampionëve për sezonin e ardhshëm. Kjo finale shënon kthimin historik të Aston Villas në një finale evropiane pas 44 vitesh dhe një sfidë të fortë mes dy skuadrave që kanë shkëlqyer në këtë sezon.