Aston Villa ka siguruar kualifikimin në gjysmëfinale të Europa League pas një fitoreje të thellë 4:0 ndaj Bolognas në ndeshjen e kthimit në “Villa Park”. Pas fitores 3:1 në ndeshjen e parë në Itali, rezultati i përgjithshëm u bë 7:1 në favor të skuadrës angleze. Golat në ndeshjen e dytë u shënuan nga Ollie Watkins, Emiliano Buendia, Morgan Rogers dhe Ezri Konsa, ndërsa Rogers humbi një penallti në minutën e 25-të. Në gjysmëfinale, Aston Villa do të përballet me Nottingham Forest, që eliminoi Porton, ndërsa gjysmëfinalja tjetër do të jetë mes Bragas dhe Freiburgut, me ndeshjet që do të zhvillohen më 30 prill dhe 7 maj.