E ardhmja e Arijon Ibrahimoviqit te Bayern Munchen mbetet e pasigurt, ndërsa Atalanta nga Serie A ka shfaqur interes serioz për të. Klubi italian është gati të paguajë 10 milionë euro për transferimin e përhershëm të sulmuesit 20-vjeçar, duke e parë atë si një përforcim të rëndësishëm për sulmin e tyre. Ibrahimoviq, i cili ka kontratë me Bayernin deri në verën e 2028-ës, është i hapur ndaj ofertave që do t’i mundësojnë të luajë në nivel të lartë, ndërsa drejtuesit e Bayernit nuk përjashtojnë mundësinë e shitjes së tij para mbylljes së afatit kalimtar. Kjo javë pritet të jetë vendimtare për të ardhmen e tij, duke marrë parasysh edhe përvojat e mëparshme të huazimit në Itali te Lazio dhe Frosinone.