Mesfushori i Real Madridit, Aurelien Tchouameni, ka folur për herë të parë pas incidentit me Federico Valverden në qendrën stërvitore të klubit në Valdebebas, duke mohuar se e kishte goditur me grusht bashkëlojtarin e tij. Ngjarja u raportua gjerësisht në media, pasi Valverde përfundoi në spital dhe u trajtua me qepje në kokë, ndërsa të dy lojtarët u gjobitën për shkelje disiplinore. Tchouameni theksoi se shumë nga raportimet ishin të ekzagjeruara dhe se situata ishte zgjidhur brenda klubit, duke shtuar se marrëdhënia mes tyre është normale dhe se nuk ka probleme personale. Ai gjithashtu nënvizoi se fokusi i tyre mbetet fitimi i trofeve me Real Madridin dhe përgatitja për Kupën e Botës, ku secili do të japë maksimumin për kombëtaren e tij.