Emir Sahiti, reprezentuesi i Kosovës, po përballet me një situatë të pasigurt në karrierën e tij pasi Hamburger SV nuk e përfshin në planet për sezonin e ri, pavarësisht kontratës deri në verën e vitit 2027. Ai ishte huazuar te Maccabi Tel Aviv, por aventura e tij në Izrael u ndërpre për shkak të luftës dhe situatës së sigurisë, duke e detyruar të kthehet në Gjermani. Tani, Hannover 96, një klub i Bundesligës 2 që ka nisur keq sezonin me dy humbje, ka shfaqur interes për transferimin e Sahitit dhe ka bërë një ofertë për të përforcuar repartin ofensiv. Negociatat pritet të zhvillohen në ditët e fundit të afatit kalimtar, ndërsa vlera e tij në treg është rreth 1.7 milionë euro.