Klubi i futbollit Ballkani ka njoftuar për përforcimin e ri në mbrojtje, duke firmosur me brazilianin Bruno Oliveira. Oliveira, 29 vjeç, është kryesisht qendërmbrojtës, por mund të luajë edhe në krahun e majtë të mbrojtjes. Ai njihet për aftësitë e tij në lojën ajrore, daljen me top dhe sigurinë në duele, dhe ka një gjatësi prej 187 centimetra. Karriera e tij profesionale përfshin eksperiencë në Brazil, Bosnjë-Hercegovinë dhe Korenë e Jugut, duke sjellë kështu përvojë dhe cilësi në mbrojtjen e Ballkanit.