Klubi i Ballkanit ka vendosur të emërojë sot trajnerin e ri, duke i dhënë fund bashkëpunimit me Mislav Karoglanin. Sami Sermaxhaj, i cili më parë ka drejtuar ekipin Portokalli dhe së fundmi ka qenë selektor i Kombëtares së vajzave të Kosovës, do të marrë drejtimin e kampionëve të trefishtë të Kosovës. Ai e konfirmoi largimin nga Kombëtarja përmes një postimi në rrjetet sociale, ku falënderoi Federatën e Futbollit të Kosovës për mundësinë dhe shprehu krenarinë për periudhën e kaluar. Synimi i Sermaxhajt dhe Ballkanit është të fitojnë titullin kampion dhe të kualifikohen përsëri në garat evropiane, duke vazhduar traditën e sukseseve të klubit në vitet e fundit.