Ballkani ka arritur të marrë fitoren e parë në sezonin 2026/27 të Superligës së Kosovës, duke mposhtur Vushtrrinë me rezultatin 2-1 në stadiumin e qytetit në Suharekë. Pjesa e parë e ndeshjes u mbyll pa gola, ndërsa në pjesën e dytë braziliani Giovanni shënoi golin e avantazhit në minutën e 64-të. Në minutat shtesë, Albin Berisha vulosi fitoren për Ballkanin, ndërsa Vushtrria ngushtoi rezultatin në minutën e 95-të me golin e Albion Shurdhiqit, por nuk arriti të shmang humbjen. Kjo fitore i jep Ballkanit tri pikët e para dhe një pozicion më të mirë në tabelë, ndërsa Vushtrria mbetet pa pikë pas dy xhirove dhe në vendin e fundit.