Komisioni “Women and Sport” i Komitetit Ndërkombëtar të Lojërave Mesdhetare (ICMG) zhvilloi një takim me Komitetin Olimpik të Kosovës (KOK) për të diskutuar avancimin e barazisë gjinore dhe fuqizimin e grave në sport në kuadër të përgatitjeve për Lojërat Mesdhetare “Prishtina 2030”. Sekretari i përgjithshëm i ICMG-së, Iakovos Filipoussis, theksoi rëndësinë e barazisë gjinore në pjesëmarrjen sportive dhe në strukturat organizative, duke e konsideruar këtë prioritet kryesor për Lojërat Taranto 2026. Ai falënderoi përkushtimin e Kosovës dhe kërkoi kontributin e Komitetit Ekzekutiv për ide dhe propozime që do të rrisin rolin e grave në këtë ngjarje rajonale. Presidenti i KOK, Ismet Krasniqi, shprehu mirënjohjen për mbështetjen e Filipoussis dhe riafirmoi angazhimin e Kosovës për të garantuar barazinë gjinore dhe përfaqësimin e grave si në fushën e lojës, ashtu edhe në vendimmarrje gjatë Lojërave Mesdhetare “Prishtina 2030”.