Barcelona ka marrë një fitore të rëndësishme në transfertë ndaj Osasunës me rezultat 2-1, duke u afruar shumë pranë titullit të La Ligës për sezonin 2025-26. Golat e vendimtarë u shënuan në pjesën e dytë nga Robert Lewandowski në minutën e 81-të dhe Ferran Torres në minutën e 86-të, ndërsa Osasuna ngushtoi rezultatin në minutën e 89-të me Raul Garcian. Kjo fitore i jep Barcelonës 88 pikë, 14 më shumë se Real Madridi, i cili ka një ndeshje më pak dhe do të luajë kundër Espanyolit në ditën në vijim. Nëse Real Madridi nuk fiton këtë ndeshje, Barcelona do të shpallet matematikisht kampione e Spanjës, ndërsa në rast të kundërt, titulli mund të vendoset në ndeshjen e ardhshme “El Clásico”.