Mesfushori spanjoll Rodri dhe mbrojtësi portugez João Cancelo kanë kryer vizitat mjekësore në qendrën sportive të Barcelonës, duke kaluar hapin e fundit para nënshkrimit të kontratave me klubin katalanas. Rodri pritet të nënshkruajë një kontratë deri në vitin 2030, ndërsa marrëveshja me Manchester Cityn për transferimin e tij është arritur për 60 milionë euro plus bonuse, ndërsa Cancelo vjen si lojtar i lirë. Të dy futbollistët kanë mbërritur dje në Barcelonë dhe kanë takuar shokët e skuadrës, por nuk kanë marrë pjesë në stërvitjen e mëngjesit për shkak të procedurave administrative. Nëse nuk do të ketë pengesa të fundit, Barcelona do t’i prezantojë zyrtarisht gjatë ditës dy përforcimet e reja, të cilët pritet të jenë pjesë e prezantimit para tifozëve në Trofeun Joan Gamper.