Arsenal po shqyrton mundësinë e largimit të dy prej yjeve të tyre, mesfushorit norvegjez Martin Ødegaard dhe sulmuesit brazilian Gabriel Martinelli, gjatë merkatos së verës. Kjo ka ngjallur interes të madh nga disa nga klubet më të mëdha evropiane, përfshirë Barcelona, Atletico Madrid dhe Bayern Munich, të cilët janë në garë për të siguruar shërbimet e këtyre futbollistëve. Martinelli shihet si një përforcim kyç për repartin ofensiv dhe mund të jetë zëvendësuesi i përshtatshëm i Raphinha te Barcelona, nëse braziliani largohet nga Camp Nou. Arsenal kërkon rreth 70 milionë euro për Martinellin, duke e bërë transferimin një sfidë të vështirë për klubet e interesuara.