Barcelona është e vendosur të transferojë Julian Alvarez nga Atletico Madrid, duke e konsideruar atë objektivin kryesor për pozicionin e qendërsulmuesit. Megjithatë, trajneri Diego Simeone dhe drejtuesit e Atletico Madridit kanë bërë të qartë se sulmuesi argjentinas nuk është në shitje dhe është pjesë e rëndësishme e projektit të tyre sportiv. Alvarez pritet të kthehet nga pushimet për të diskutuar situatën me klubin e tij, ndërsa Barcelona shpreson që dëshira e lojtarit për t’u transferuar të ndikojë në hapjen e negociatave. Me fillimin e sezonit të ri dhe largimin e mundshëm të Ferran Torres, Barcelona kërkon të zgjidhë sa më shpejt këtë çështje, duke aktivizuar edhe një plan B nëse Atletico refuzon të negociojë.